मी तुझ्या हृदयात होतो...

मी तुझ्या हृदयात होतो...

रोज होतो, गात होतो, मी तुझ्या हृदयात होतो;

तू नशेने झिंगताना चोंदल्या हृदयात होतो ! 

बोलणे माझे जरासे का तुला चिडणे दिसावे ?

"स्वार्थचित्ते आन्धळा तू" , सांगण्या हृदयात होतो !

कोण केव्हा प्रेम देते, बांधल्यांचे "हात" होते,

हास्य तेव्हा ते तुझे मी झेलण्या हृदयात होतो !

आन्दणे तू मागताना, बाह्यरंगी रंगताना

मी बनूनी आत्मतेजा तेवण्या हृदयात होतो !

गर्वयोगे ऊंच माथा, गायिली तू "स्वस्व" गाथा,

"नम्रता येवो जराशी" चिन्तण्या हृदयात होतो !

 रूप माझे वेगळे, मायाप्रवाही ना कळे रे,

आत्मज्ञानाची बिजे मी पेरण्या हृदयात होतो !

आसवी वाहो अहंता, फ़ोल "माये"ची महत्ता

जाणता हे, त्या प्रभूचा जन्म ह्या हृदयात होतो !

---प्रभा.

.